<$BlogRSDUrl$>

miðvikudagur, nóvember 29, 2006

Algjört möst!!!!!!!!!!! 

Einn sá allra flottasti í bransanum!

Skoðið þetta og takið svo eftir textanum í restinni...

Svo er hægt að fara hingað og hala niður meira efni frá honum...

Lag dagsins er í efri linknum

þriðjudagur, nóvember 28, 2006

Það er svo langt síðan... 

að ég bloggaði seinast að slóðin á bloggið mitt er dottið úr 'history' í vinnutölvunni minni!!!

Hef nú lítið annað að segja en að nýja Miami Vice er ein af lélegustu kvikmyndum sem ég hef séð yfir ævina!!! Ég held meira að segja að hún væri leiðinlegri heldur en draslmyndin hans Davíðs Oddssonar!!! Ef ég væri búinn að sjá hana þ.e.a.s. en það er bara sumt sem maður gerir ekki... og ekki einu sinni fyrir peninga...

mánudagur, nóvember 20, 2006

Þú mátt fá kökusneið... en... 

þú mátt ekki borða kremið. Hvernig fer maður að því? Það er nú stóra spurningin... þetta er allaveganna tilfinningin sem maður fær þegar manni er boðið í mánudagsbíó á vegum Moggans en má samt ekki fara á neina skemmtilega mynd. Moggabíó er, fyrir þá sem ekki vita, boð af hálfu Morgunblaðsins og Sambíóanna þar sem allt að 4 er boðið 2fyrir1 á mynd í bíó hjá Sambíóunum. En það má samt ekki nota þetta tilboð á NúllNúllSjö - Casino Royal eða Borat. Ég færi hvort eð ekki á Borat þó mér væri borgað fyrir það. Var einmitt að ræða það við einn nemanda í dag sem bauðst til þess að bjóða mér í bíó. Ég afþakkaði boðið pent því að þessi karakter er bæði hundgamall úr Ali-G þáttunum og 'konseptið' á bak við þennan karakter hefur algjörlega verið eyðilagt fyrir mér með Johnny National og Sífyllis Nótt.

Ekki hef ég heldur mikinn áhuga á að fara á Flugdrengina (í þýðingu háttvirts menntamálaráðherra) og Pass (betur þekkt sem 'The Departed' eða Hinir föllnu sem er einmitt ekki í þýðingu háttvirts menntamálaráðherra). Þannig að Mogginn og Sambíóin - TAKK FYRIR EKKERT!!!

Plús það að ég er alveg fallinn frá þeirri tilhugsun að fara í bíó þegar maður þarf að greiða fyrir með líffærunum. Vissuð þið það að í Rúanda er hægt að fá starfhæfa lifur á c.a. 900 krónur! Þannig að ef maður væri laginn með hnífinn þá myndi maður geta vippað út eins og annarri lifrinni eða jafnvel brisinu til þess að greiða fyrir bíóferðina... Sem, skv. vísitölu neysluverðs er orðið að munaðarvöru!

Við kærustuparið horfðum á Er ég þriggja? (MI3 (Am I 3)) og The Road to Guantanamo í gær. Vægast sagt hefur maður styrkst í þeirri trú hversu miklir villimenn kanarnir geta verið og ég er ekki hissa á því að þremeningarnir Shafiq, Ruhel og Asif hafa orðið bókstafsmúslimar í kjölfar meðferðarinnar sem þeir fengu. Það kæmi mér líka ekki á óvart að þeir myndu seinna taka sig til, þegar þeir væru búnir að fá nóg af yfirgangi kananna og annarra, að þeir myndu hafa sig út í hryðjuverk. Það er nú einu sinni það sem ætlast er til af þeim!
Þetta minnir mig alltaf á lokin á Rambo 2. Þar kemur skýrum og stórum stöfum, áður en að kredit-listinn byrjar að rúlla: Deticated to the gallant people of Afganistan.
Af því að Afganistar voru hugrakkir áður en þeir fóru að nota vopnin sem bandaríkjamenn gáfu þeim gegn þeim sjálfum. Þetta kallast á góðri íslensku: Backfire.

Annars hef ég alltaf velt því fyrir mér hvort að múslimar séu ekki að gera löndum sínum og samtrúafólki sínu ekki gramt í geði með árásum sínum á aðra? Fyrir rest þá taka allir sig til við alhæfingar og þá verða allir þeir sem eru frá austantjaldslöndunum og múslimar hryðjuverkamenn og því réttdræpir. En þetta er kannski bara innan ramma eðlilegrar fórnfýsni þeirra sem telja sig vita betur... vitið þið hverja ég er að tala um?

Að endingu þá fór ég á laugardaginn að sjá heimildarmyndina: Sófakynslóðin sem er heimildarmynd um aktivisma á íslandi. Vægast sagt var þetta árshátíð ljóta fólksins en þetta kom samt eiginlega út um rassgatið á mér...
Mér finnst bara svona öfgamótmæli hálfvitaleg og þessi heimildarmynd er frekar einhliða hvað það varðar og svo ætla þau að fara að sýna þessa mynd í öllum framhaldsskólum á landinu. Það á eftir að koma alda af heilalausum kjúklíngum sem leiddir eru áfram á asnaeyrum og látnir berjast fyrir málstað einhverra annarra sem hafa hvorki haus né mænu til þess að gera það sjálf. „Það er bara mjög mikilvægt að mótmæla á öllum stigum...“ Sem er vissulega rétt... en að ganga út fyrir öll velsæmismörk er ekki rétt.

Ekki voru þessir mótmælendur að beita sínum 'aktivisma' á ráðamennina sem ákváðu þetta, neibb... langt í frá... þau voru að herja á verktaka sem tóku að sér verkin fyrir fólkið sem mótmælendur sjálfir kusu...
Það er eitt með Amnesty sem er að beita málefnanlegum aðferðum til þess að tryggja mannréttindi og framþróun í mannréttindamálum en svolítið annað að vera með einhvern skæruhernað með því að leggja líf og limi sjálfra og annarra í hættu.
Þetta er allaveganna mitt álit... lag dagsins í dag er 'It's Easy MMMKay' með Mr. Mackey úr South park.

sunnudagur, nóvember 12, 2006

Mér finnst alveg svívirðulegt... 

að það hafi verið búinn til Frægir í form hérna heima. Í fyrsta lagi af því að þetta sýnir bara endalaust hvað íslensk þáttagerð er í mikilli lægð og í öðru lagi af því að Gaui litli er í þessu. Mér finnst bara verið að hlæja að fólki sem er of feitt vegna þess að ég er viss um að Gaui hafi efnast töluvert þegar hann setti á markað eitthvað rosa prógramm fyrir of feitt fólk sem hefur greinilega verið einhver skyndilausn. Ef við byggjum í JúEssEi þá væri svoleiðis búið að lögsækja á honum rassgatið að hann ætti ekkert í sig og á og þannig orðinn grannur. Í þriðja lagi af því að seinast í kvöld komu nýjar myndir af Árna Johnsen og hann hefur ekkert breyst. Í fjórða lagi af því bara!

Annars er bara að koma miður nóvember sem þýðir það að það er rétt rúmlega mánuður til jóla! Ég held að Karen sé lífshættulega veik af því að það er ekki búið að skreyta allt hérna hjá okkur hátt og lágt! Maður er aðeins farinn að hugsa út í jólagjafir... en ekki meira en það að vera búinn að ákveða að versla þær allar á Þorláksmessu.

Ég er með allar klær úti til þess að redda íslensk-náttúru-krydduðum-jólarjúpum þannig að þeir sem vita hvar hægt er að nálgast svoleiðis mega senda mér póst. Það þarf ekki meira til en að smella hér fyrir neðan á: Rokkarinn og þá fer allt í gang.

Mér finnst líka fyrir neðan allar hellur að þurfa að fara þýða kvikmyndaheitin. Hafa þessi pólitíkusar og ráðamenn bókstaflega ekkert þarfara að gera en að koma með einhverjar svona fáránlegar athugasemdir??? Kvikmyndin heitir þetta bara á frummáli og það er jafn fáránlegt að fara að þýða kvikmyndaheitin eins og að þýða nöfnin á leikurum og öðru starfsfólki kvikmyndaveranna. Mér finnst þetta fáránlegt vegna þess að kvikmyndirnar heita þetta á frummálinu, frummálinu sínu og þetta er bara einhver drullu-mix aðferð til þess að reyna að vera með puttana í öllu og sérstaklega einhverju sem skiptir ekki máli. Þegar ég var í danmörku á sínum tíma datt mér ekki til hugar að fara á myndina Kugeln með Dustin Hoffman m.a. en sjálfur á ég Sphere á DVD. Þetta á líka eftir að verða til þess að fólk, sem getur ekki klórað sig út úr þýðingum einhverra Jóna út í bæ, á eftir að lenda í stökustu vandræðum með að finna upplýsingar um myndirnar á t.d. IMDB, Rotten Tomatoes o.fl.

ÉG HELD AÐ ÞAÐ VÆRI NÆRRI LAGI AÐ HÆKKA LAUNIN HJÁ KENNURUM SVO AÐ AFKVÆMI ÞESSARA VITLAUSU PÓLITÍKUSA, SEM SKILJA EKKI ÚTLENSKU, GETI GERT SÉR NOKKRA GREIN FYRIR ÞVÍ HVAÐ KVIKMYNDIR HEITA Á FRUMMÁLI ÁN ÞESS AÐ ÞURFA AÐ LÝSA YFIR FÁFRÆÐI SINNI Í SJÓNVARPINU!!!

Lag dagsins er ASSHOLE með Dennis Leary AFTUR!!!

föstudagur, nóvember 10, 2006

Ef það er eitthvað sem ég er ósáttur við... 

þá er sú ákvörðun Skjás Eins að hætta með Dr. Phil. Ég er reyndar meira ósáttur við að hafa tekið inn Rachael Ray þættina sem mér finnst vera í svipuðum klassa og Sigtið!
Ég kemst ekki hjá því að hugsa um brandarann um froskinn með stóra munninn þegar ég sé þessa manneskju... „Hvað finnst þér best að borða?!?“ Hef reyndar ekki haft úthald í að horfa á heilan þátt með henni því mér finnst skemmtilegra að hoppa framan af svölunum mínum á þriðju hæð á fír-tommu-naglabrettið sem ég bjó til og setti á jarðhæðina. Og til þess að sársaukinn sé varanlegur þá dreifði ég glerbrotum á milli naglanna og setti svo þykkt lag af grófu sjávarsalti ofaná.

Annars bara gott og ágætt... sem fyrr :)
Brjálað að gera í vinnunni og náminu, Hlynur kominn og sofnaður, Karen að vinna alla helgina...

Mér brá reyndar svolítið í dag þegar ég fór í hádegisspilerríið og dró upp Strattinn minn... fyrir ofan pickguardið voru nokkrar djúpar rispur! Get svosem sjálfur kennt mér um en ég kem ekki til með mæta með gítarana mína oftar... ekki nema ég spili bara sjálfur.

Ef einhver veit hvernig maður getur nálgast Dr. Phil þættina eins og þeir eru í dag þá má sá hinn sami/sama benda mér hvernig það er hægt. Hugsa að ég sé reyndar ekki að fara að kaupa mér disk og setja hann upp hérna á görðunum...
Hvet ykkur til að fylgja fordæmi mínu og senda bréf á Skjá Einn og kvarta undan þessum breytingum þar sem að skemmtana- og fræðslugildi Dr. Phil þáttanna eiga að vera nóg til þess að réttlæta kaupin á þáttunum (fyrir utan það að Skjár Einn hefur verið að sýna tveggja ára gamla seríu). Ef þið viljið leggja þessu verkefni mínu lið þá get ég sent ykkur bréfið sem ég sendi og þið forwardað því óbreyttu eða bætt við það eftir þörfum.

Lag dagsins í dag er Chop Suey með S.O.A.D.

þriðjudagur, nóvember 07, 2006

Samkvæmt draumförum... 

byrjar að snjóa í dag. Útrætt?

mánudagur, nóvember 06, 2006

Sko!!! 

Nú á að fara að gera 3 virkjanir í viðbót til þess að eiga nóg rafmagn. Sem er gott og blessað þannig séð... en nú þurfum við og stjórnmálamennirnir, sem við kjósum aftur og aftur til þess að vera í málsvari fyrir okkar skoðanir og hugmyndir, að taka hausinn úr rassinum og skafa skítinn af gleraugunum! Í fyrsta lagi þá er ég hlynntur því að taka land undir rafmagnsframleiðslu sem fer svo í stóriðju en ég er ekki hlynntur því að gera það með eignanámi eins og hefur verið iðkað alveg frá því að við byrjuðum að búa á þessu fallegustu náttúruparadís í heiminum (finniði kaldhæðnina?!?). Það hefur verið þannig í gegnum tíðina að kirkjunnar menn og aðrir uppar, hvort sem að þeir hafa verið ríkari en aðrir eða með sterkari sambönd, hafa tekið jarðir eignarnámi frá bændum og í mesta lagi sett einhver lög til þess að réttlæta þetta svo að það er ekki hægt að segja neitt við því. Það er kannski vegna yfirgangs yfir þessa stétt sem að beingreiðslurnar voru settar á?

Nú er ég, eins og flestir íslendingar kominn af bændum. Já, langafi minn hann Júlíus Bjarnason bjó á Leirá í Borgarfirði og rak þar stórt bú á stóru landi. En langamma mín Hallfríður Helgadóttir var ein af þeim fyrstu konum á Íslandi til að mennta sig til kennarans úr Flensborg rétt uppúr aldarmótunum 1900. Hvort heldur að það hafi verið hugsjón eða nauðsyn til þess að reka heimilið þá var hún fyrirmyndarkennari.
Ég er reyndar alfarið á móti því að ríkið haldi uppi ákveðinni stétt, ja, alveg eins og einhverri ákveðinni trú. Þetta er allt saman spurning um hvort að það borgi sig... hvernig?

Sko, ef það er til dæmis ekki hægt að bjóða upp á einhverja landbúnaðarvöru, hvort heldur grænmeti, fiðurfé eða annan búfénað, öðruvísi en að þurfa að margborga fyrir það þá er held ég bara best að sleppa því. Ég meina... ef ég er að borga hluta af skattpeningum mínum í halda uppi búfénaðinum og þarf svo að borga tvöfalt meira fyrir það heldur en erlenda vöru þá kaupir maður heldur bara útlenska vöru og styrkir bara íslenska kryddgerð í staðinn. Það er jú einu sinni sú leið sem var farin þegar kjötið var gamalt eða skemmt í gamla daga. Auk þess þá á maður erfitt með að skilja það að það 'borgi' sig að urða fleiri fleiri tonnum af kjöti í staðinn fyrir að láta íslensku þegnana njóta góðs af því og geta fengið vöruna ódýrari. En svoleiðis er þetta bara í lífinu... það er ekkert ókeypis! Þetta er bara eins og með afnám matarskattsins... það er alveg dottið út úr umræðunni... af hverju? AF ÞVÍ AÐ ÞAÐ VERÐUR EKKERT AF ÞVÍ!!!

En allaveganna... þá finnst mér það flott ef að fólk finnur sig í landbúnaðinum... en það er eins og allt annað í lífinu val og fólk þarf bara að átta sig á því að ef það hefur ekki efni á því þá verður það bara að svissa til og reyna að finna einhverja aðra leið til þess að eiga í sig og á. Alfarið mín skoðun.

En yfir í virkjanirnar aftur... þá er það líka spurning um að það 'borgi sig'. Ég hef áður rætt um margföldunaráhrif og þetta getur haft mjög mikinn efnahagsvöxt í kjölfarið en þetta er kannski of mikil fljótfærni ef það er ekki til starfsfólk til þess að manna stöðurnar í stækkuðum stóriðjum. Sjáið bara hvað er að gerast hjá ónefndu álveri... þar er ekki hægt að fá starfsfólk af því að launin eru lág og vinnuálagið mikið. Það er allaveganna ekki hægt að fá innlent vinnuafl.
Núna þegar Ómar er hættur að sigla þá er spurning um að setja næstu virkjanir strax í gang til þess að halda honum við efnið... segi svona... en mér hefur alltaf fundist Ómar vera flottur gaur þó svo að hann sé svolítið ýktur. Sá á bloggi um daginn að það var aldrei fjallað um Kárahnjúka, hvorki í Stiklum né öðru, fyrr en að átti að virkja þar. Þá fór fólk að gera stykkin sín í buxurnar í unnvörpum... og flytja þurfti inn mótmælendur vegna þess að þeim sem fannst þetta vera algjör synd og að við værum að eyðileggja landið fyrir komandi kynslóðum ákváðu að mótmæla í 101 Reykjavík. Sem er náttúrulega gott og blessað út af fyrir sig... en segir held ég meira um hvað þetta fólk nennti að bera sig eftir því að mótmæla. Alltof seint og gat ekki einu sinni farið uppá Kárahnjúkana.

Það er alltaf verið að tala um hvað þetta er mikil sóun á náttúrunni og hversu mikil náttúrufegurðin er en samt erum við 300.000 íslendingar hérna (c.a. 1% pólverjar þó) en væri ekki ráð að skoða t.d. hvað við erum að fá mikið út úr ferðamennskunni á móti því sem að við fáum fyrir framleiðsluna? Þá komum við aftur að umræðunni um hvort að það 'borgi sig'. Af hverju ekki bara að markaðsetja okkur sem landið með flestum virkjununum? Held að það gæti trekkt að :)

En yfir í innflytjendur og vinnuafl þá spyr maður sig hvers vegna íslendingar fara ekki að fordæmi frænda okkar í Danmörku þar sem verkalýsforystan kom bara á stífum vinnureglum í kringum innflutt vinnuafl og tryggði innflytjendum sömu laun og danska vinnuaflinu og þar með hættu danirnir að flytja inn ódýrara starfsfólk. Það gæti líka sett einhverjar hömlur á þennan innflutning.
Ég get nú sagt að ég þekki til pólverja sem hafa komið hingað og vinna hörðum höndum við að leggja sitt af mörkum og eru ekki að koma hingað til þess að misnota land, þjóð og konurnar okkar. Þó svo að þeir leynist inná milli.

Þannig að ég legg til að verkalýðsforystan hætti að vera vitleysingar og girði upp um sig og setji þröngar og stífar vinnureglur sem tryggja ákveðin grunnlaun og ráðamenn þjóðarinnar þurfa að setja skýr og einföld lög með hörðum viðurlögum. Þá ætti að grynnka eitthvað á því að fyrirtæki misnoti fólk sem kemur hingað í góðri trú því að það er í raun það sem þetta er. Ég sé þetta þannig að þau séu að snúa baki í samlanda sína til þess að geta misnotað annað fólk sem veit ekki betur og þar af leiðandi minnki flaumurinn aðeins. Það ætti kannski líka að geta tryggt mannsæmandi laun fyrir fleiri stéttir en alþingismennina...
Þegar allir eru komnir með sömu laun þá er hægt að athuga grundvöllinn fyrir því hvort að það sé til nóg af fólki til þess að manna stöðurnar í stóriðjunni og hvort að það 'borgi sig' fyrir fyrirtækin að ráða fólk til vinnu (þá bæði launalega séð og á kostnað náttúru okkar) og þegar það er komið á hreint þá ætti það að vera nokkuð ljóst hvort að við ættum að skellta okkur út í fleiri virkjanaframkvæmdir.

Stutt og hnitmiðað... ekki satt?

Lag dagsins er lag nr. 666 í winampinu mínu sem heitir 'Love her madly' með 'The Doors'

fimmtudagur, nóvember 02, 2006

Vil ekki ofmetnast... 

en ég veit það nú að það var leitað til háskólans í kjölfar umsóknar minnar í starfið sem ég sinni nú innan veggja Hagaskóla og ég veit að ég fékk meðmæli þaðan!
Djö*?%ll finnst mér það kúl!

Annars gott... allt gott...

Það er vetrarfrí núna og ég er á fullu að læra í skólanum. Kvikindið í viðgerð og svo á morgun er áætlað að skella nýrri olíu á vélina og skipta yfir á naglana. Rallý-hávaða-kittið sem ég innstallaði í bílinn er ekki að gera sig og það er ótrúlegt hvað ég sakna þess að bíllinn minn sé kettlingur í staðinn fyrir að vera útúrkókað tígrisdýrsljón með demant í öndunarveginum! Sæll og glaður fer ég að spæna upp malbikið í borg óttans og þar með auka svifrikið sem dregur vonandi ekki öndunarfærasjúklinga til dauða.

Það er kannski ekki frásögu færandi að mín var saknað í vinnunni mánudaginn og þriðjudaginn sem ég var frá vegna heimaprófs sem mér gekk framar vonum í. En í stað þess að fá alla krakkana til mín á færibandi þegar ég kom aftur til vinnu þá fékk ég bara: Gott að þú ert kominn til baka... það er svo gott að vita af þér :)
Það versta við þetta allt saman er að geta ekki tekið krökkin með í frí... maður er farinn að lifa og hrærast í þessum pakka sem er reyndar skemmtileg tilbreyting frá því að hugsa sífellt um sjálfann sig, rassgatið og námið sem maður er í.

Núna þegar fyrsti jólakransinn er kominn í glugga í blokkina við Miklubraut og Lönguhlíð þá fer maður að huga til jóla og það verður spennandi að sjá hvort að það verði rjúpur á boðstólnum. Ég er mjög æstur að kynna Karen fyrir rjúpu-stemningunni... en það er einmitt skemmtilegt að nefna það að mamma tók þessa venju upp frá ömmu Huldu (er það ekki rétt hjá mér?). Mér finnst jólin ekki komin fyrr en blásið er til leiks á aðfangadagskvöldi og það eru rjúpur á boðstólnum.
Það er nú reyndar frekar minnistætt þegar jólin voru haldin í Jú-Ess-Ei á sínum tíma þegar það var útigrillað naut í matinn á aðfangadagskvöld og maður stóð við grillið á stuttbuxunum! En það er allt önnur saga...

Lag dagsins er Different people með No doubt.

This page is powered by Blogger. Isn't yours?