Rokkið Lifir!

um réttmæti þess sem Kompás-liðar hafa fyrir stafni og þá er ég sérstaklega að tala um þáttinn í kvöld og seinustu viku... Ég ætla ekki að fara út í réttmæti þeirra aðferða sem þeir beita þó svo að það verði að ræða á einhverjum grundvelli þar sem öll sjónarmið koma fram. En eitt þykir mér mjög sárt í allri þessari umræðu og það er sú staðreynd að þeir sem vilja komast að meiri upplýsingum sem settar eru fram með þessum hætti verða að hafa aðgang að stöð 2 nema maður kíki á þetta inná www.visir.is seint sama kvöld eða daginn eftir. Berin eru vissulega súr... þ.e.a.s. hvað varðar áskrift að stöð 2 en þetta er bara umræða sem þarf að fara fram í öllu íslensku samfélagi... ekki bara meðal þeirra sem hafa stöð 2. Annars finnst mér þetta vera skelfilegt ástand að það séu svona margir sem vilja og langar... ég skil það ekki. En það er kannski þannig að maður getur ekki skilið eitthvað fyrr en maður hefur upplifað það sjálfur? Nú má hver hafa sína skoðun og ég stend fyllilega við það því það gefur mér sjálfum rétt á að hafa mína skoðun og standa og falla með henni... ef svo ber við...

Það er svo margt sem maður getur ekki skilið án þess að standa nákvæmlega í þeim sömu sporum. Ég get til dæmis ekki ímyndað mér hvernig er að vera þunglyndur þó svo að ég gúdderi og skilji það fullkomlega að fólk á lyfjum geti 'fúnkerað' í daglegu lífi alveg jafnvel og annað fólk. Ég er blessunarlega laus við að 'kategora' fólk í alvörunni þó svo að einhverjir séu kannski ekki jafn sammála mér í því... ekki hef ég upplifað að vera fatlaður og tek því mörgu í samfélaginu sem sjálfsögðum hlut, þó svo að maður er meira vakandi fyrir aðstæðum sem beinlínis hindra fatlaða í að vera eðlilegir þátttakendur í samfélaginu og þar af leiðandi samfélagið sem fatlar þá eða setur á þá hömlur í stað raunverulegrar fötlunar þeirra!

Ég er mjög upptekinn af tölum, stærðfræði og tölfræðilegri merkingu (sem ég einn get lesið út úr aðstæðum, umhverfinu eða hverju tilviki fyrir sig...) og þar af leiðandi mjög upptekinn af margfeldiáhrifum. Ég lærði margföldunartöfluna fyrir mjög mörgum árum og það eru bara sum 'key elements' í þeirri töflu sem virðast alltaf vera 'on top of my mind' eða ofarlega í huga (að svo stöddu verð ég að biðjast afsökunar á slettum og enskunotkun, allaveganna þá sem þetta fer fyrir brjóstið á eða skilja ekki...). Aðal ástæðan fyrir því t.d. að ég er svona hlyntur álverjum (j?) :þ eru margfeldiáhrifin. Þá er ég ekki að tala um áhrifin af menguninni heldur sú staðreynd sem ég hef séð með mínum eigin augum margfeldiáhrif hvers starfs innan þess geira. Fátækleg rök hugsa sumir en hey... mín skoðun auk þess að ég þekki ekki afleiðingarnar í náttúrunni og er kannski ekki mikið að dvelja við það hvort að það sé manngerður vegur upp að Kárahnjúkum af því að ég hefði hvort eð er aldrei farið þangað... En aftur að margfeldiáhrifum og þau eru vissulega til staðar í þeim málum sem snerta barnaníð og þá sérstaklega þolendur. Mér finnst bara skelfilegt að hugsa til þess að hvert barn sem er misnotað á eftir að hafa gífurleg áhrif á fólkið í kringum það alla ævi þess... þ.e.a.s. ef það sviptir sig ekki lífi langt um aldur fram. Systkini þess, foreldrar þess, vinir þess, maki þess, börnin þess... svo gæti lengið talið áfram en miðað við grunntölur hagstofunnar um fjölskyldustærðir, fjölskyldugerðir o.s.frv. er rétt að áætla að um 8 manns í kringum þolandann sé lágmarks áætlun. Hvernig metur maður líf og hvers virði er það í raun og veru? Að koma með einhverja töfralausn í þessu máli nú er eins og... eins og... eins og... hmm... mér dettur bara ekki neitt virkilega fáránlegt í hug (þannig að 'mannréttindi' allra séu virt). Kannski Bush sé með einhverja lausn á svona málum? Eða Kolbrún Halldórs?

Ég treysti því að ríkisstjórnin okkar, kjörin af okkur, studd af okkur í gegnum súrt og sætt... komist að því hvernig á að bera sig að í svona málum og hvað þurfi að gera til þess að koma í veg fyrir þetta eða jafnvel bara byrji að taka á svona málum...

Þetta sama fólk getur ekki einu sinni ákveðið hvað á að gera við Ríkisútvarpið......

Mér sýnist á öllu að börnin okkar verði óhult í framtíðinni...

Svona í lokin þá eru hérna nokkuð skemmtilegar lesningar frá undirrituðum... frá því 2004... D#-Eb Kræst hvað tíminn líður hratt... á gervihnattaöld!

Gekk frá því í dag...


Við förum eftir páskafríið þannig að við Karen og Hlynur fáum gott viku-frí frá dagsins amstri á Benidorm. Karen er byrjuð að telja niður...

Það er ágætt að komast aðeins í burtu og slappa af...

Annars heyrði ég fyndna kjaftasögu í dag... hún er ekki frásögu færandi nema að hún breyttist, frá mér til eins... og aftur til mín og þá var hún búin að breytast um næstum því nákvæmlega 400%... hehe... svona verða kjaftasögur til. Þetta var reyndar tölfræðileg kjaftasaga þannig að hún breyttist úr síld í hákarl! Það er samt ekki mikið um hákarla á Benidorm... er það nokkuð?

að maður tapar einstaka sinnum í pool... kannski er það bara hluti af einhverju stærra plotti sem kemur í ljós seinna á lífsleiðinni... EÐA EKKI! Hef nú sjaldan verið tapsár þegar kemur að pool á móti Svabba en svona er þetta bara þegar maður er búinn að fylgjast stíft með World-pool-masters að ég hélt hreinlega að ég væri orðinn betri. Auk þess þá vann ég Svabba seinast! Það er kannski þess vegna sem ég hef ekki verið að opinbera úrslitin í seinustu 'keppni' hjá okkur. Þið getið lesið allt um það hérna en nú er heimavinnandi húsmóðir farin að blogga.

Helgin er algjörlega búin að fara í sófann... sem er mjög gott bara... hef ekki slappað svona af síðan 1963... en það er sama ár og sumarið var á þriðjudegi. Fyrirhugað er meira afslappelsi í dag en í gær og ekki verður amalegt að fá Nonna frænda í heimsókn á eftir.

Ég er alveg kominn á það að versla helst ekki innanlands... sparaði mér (sko... þetta er svolítið skemmtileg pæling af því að ég hefði sparað mér allt saman hefði ég hreinlega sleppt því að kaupa það sem ég keypti... en mér finnst ég samt ennþá vera að 'græða' þegar ég borga X fyrir A, B og C fyrir sama verð og A, skiljiði? X=A :þ ) 3000 kall á því að versla ekki hérlendis. Ég er alveg sannfærður um það að ef ég byggi erlendis væri ég bara í því að senda fólki eitthvað sem er 50-100% ódýrara úti... hefði það bara að atvinnu!

Ég á ennþá eftir að fá seinustu einkunnina mína fyrir seinustu önn og það er orðið svolítið leiðigjarnt að bíða eftir henni... sérstaklega af því að það eru komnir 32 dagar frá því að seinustu skil frá nemendum voru auk þess að seinustu skil frá kennara hefðu átt að vera fyrir 4 dögum síðan en ekki var þetta próf-áfangi. En þolinmæði þraut vinnur allar...

Hvað gerir maður þegar það er komið extra saumavélahljóð í bílinn og líka svona sánd eins og þegar maður fer með handþeytara innan í hlið á plast skál á fullum snúningi? Fer auðvitað með bílinn í viðgerð... en bifreiðaverkstæðið Stimpill sér alfarið um að kíkja undir húddið á mínum bíl! Ég er endanlega kominn á það að fara upp á Akranes til þess að láta smyrja bílinn minn... það er nefnilega helmingi ódýrara að láta smyrja bílinn hjá Bigga á Smurstöðinni heldur en allsstaðar annarsstaðar í Reykjavík. Þannig er það bara... X=A... ótrúlega einföld formúla.

Lag dagsins er Jesus is just allright með Doobie brothers sem má finna á Youtube.com í karókí-útgáfu! :þ
Takið eftir fyrsta kommentinu undir 'Comments & Responses'

sjáiði hverju þið eruð að missa af?
Ofan á kókkippunni sem þarna rétt glittir í er 10 cm lag. Mælt með reglustiku.


Ofan á grillinu góða er 17 cm þykkt snjólag. Mælt með reglustiku.


Þetta er farið að minna ótrúlega mikið á þegar maður var krakki... ég gleymi því aldrei þegar það snjóaði svo mikið þegar við bjuggum á Reynigrundinni og Garðagrundin var skafin og mokuð og það mynduðust mannhæðaháir skaflar meðfram Garðagrundinni. Þá voru gerð göng undir og í gegnum þennan skaflavegg sem maður eyddi ófáum stundum í.

Annars er lífið að komast í samt horf hjá mér... ég fer í vinnuna á morgun eftir vikufjarveru... það er svona þegar maður fær SVARTA DAUÐA með vott af HOLDSVEIKI!!!

Annars fer að færast líf í þetta blogg á ný... á nýju ári... þegar fyrsti mánuðurinn er hálfnaður! Sjetturinn hvað þetta er fljótt að líða!

Lag dagsins er snjókorn falla af því að jólin eru búin!

er algjör snilld!!!

ef maður hefði verið ráðinn í stöðu þar sem hæfari einstaklingum hefði verið synjað? Byggt á þeirri staðreynd að maður er með þeim sem réði mann í matarklúbbi? Bara svona 'rhetorical' spurning... (þeir sem ekki vita hvað rhetorical er, vinsamlegast beinið spurningum ykkar til háttvirts menntamálaráðherra... alveg handviss um að hún sé með svör á reiðum höndum).

Jólin eru búin og það sem meira er, er að ég er búinn að taka niður eiginlega allt jólakuskið. Það flaug reyndar ekki fram af svölunum, eins og tréð gerði, vegna þess að Karen langar til þess að gera þetta að ári aftur...

Hlynur fór í gær og þetta er búinn að vera æðislegur tími með honum. Bara tsjill, sofa út, ekki að fara út úr húsi... hanga inni og leika sér...

Fór í vinnuna í dag og það var ágætt... reyndar svolítið þungt að sitja á fundum fram eftir degi þegar maður er búinn að vera með heilann í hvíld í svona langan tíma. Svo á morgun byrjar brjálæðið... krakkarnir 'mínir' koma í skólann á morgun.

Við skelltum okkur í bíó áðan á 'Stranger than fiction' og ég mæli hiklaust með henni... ólíkt heilhveitinu: Snakes on the plane sem fer hiklaust í 'Verstu-hugmyndir-að-kvikmynd-og-léleg-í-þokkabót'-pakkann.

Annars lítið í bili... heyri í ykkur fljótlega.
Lag dagsins er Don't let me down með Bítlunum af Get back plötunni... hrikalega flott lag þar á ferð.