Rokkið Lifir!

Margir vilja halda því fram að salernið sé eini griðarstaðurinn á heimilinu. Yfirleitt gerir enginn athugasemd við það er ég bregði mér á salerni og læsi. Buffa.sig kúkar ekki með opið. Buffa.sig skítur heldur ekki hvar sem er. Almenningssalerni eru sýklabæli þar sem margur óbjóðurinn hefur skeint sér skakkt og sullað útfyrir. En þar sem fólk drullar yfirleitt í einrúmi getur verið erfitt að átta sig á því hvaða tækni beitt er við þerrun þarms. Sumir eru kjánar; hafa ekkert skynbragð á skeiningum og eru því alltaf með hálfskolaða görn og brunasár í taði. Aðrir gleyma sér í gleðinni og skeina sér ekki; gleymiskeinarar. Meðferð pappírsins er lykilatriði hér. Það er ekki sama hvernig brot er á pappírnum. Sumt fólk skeinir sér eins og það gerði 6 ára gamalt. Skeiniumræða er aldrei upp á yfirborðinu og því ekki möguleiki á að ræða aðferðir til að brjóta saman.

Buffa.sig hefur það ávallt að leiðarljósi að brjóta pappír það vel svo engin hætta sé á að fá tað á puttaling. Sú aðferð sem Buffa.sig beitir má lýsa á eftirfarandi máta:

Glennir vel út görn svo tað setjist ekki á rasskinnar – best er að hann smelli út og fái 100% frítt fall. Ef hann rekst í taðkinnar er hætt við því að hann detti skakkt. Það kallast að vera með skakkt rassgat. Er athöfn lýkur tekur Buffa.sig pappír, togar í rúllu sem nemur 4-6 pappírsbútum, og brýtur þetta pent saman [eins og handklæði]. Þannig virkar þetta eins og góð borðtuska í görn. Þetta skapar nánast enga hættu á því að fá bjakk á fingur. Gæta skal þess að þjösnast ekki í görn því þá er hætta á því að pappír rifni [sérstaklega á ógeðssalernum með low-budget pappír] og fingur fer upp í görn = tað á putta. Takið á því þar til ekkert sést í pappír.

Buffa.sig var eitt sinn staddur í teiti með vitleysingum. Tók hann þar stól og stillti fyrir framan hópinn og varð sér úti um þarmþerri. Teitisgestir settust hver af öðrum í stólinn og sýndu Buffa.sig hvernig skeiniaðferðir þeir brúkuðu. Nokkrir brúkuðu sömu aðferð og Buffa.sig en sumir áttu það samt til að þerra þarm með pappír, brjóta hann svo saman og þerra aftur. Það er ógeð og skapar hættu á því að fá taðputta.

Buffa.sig rak í rogastans þegar eitt slubbabarnið deildi sínum þerriaðferðum. Viðkomandi greip rúlluna og reif góða lengju af sem hann svo kuðlaði saman í lúku. Það var engin regla á þessu kuðli, bara einhver pappírskúla. Þetta er svo mikill viðbjóður. Buffa.sig lét viðkomandi vita af óeðli og þeim sóðaskap sem slíkri aðferð fylgir. Buffa.sig veit að þeir sem skeina sér á þennan máta fengu aldrei ráðleggingar foreldra um það hvernig skuli þerr’ann = ekkert uppeldi. Það kæmi mér ekki á óvart að þetta lið standi við iðju sína.

Eðlilega þarf varla að taka það fram að skríllinn er kuðskeinir.

Höf: Buffa.sig