Rokkið Lifir!

Haldiði að kallinn hafi ekki bara skellt sér í strípur fyrir jólin... ætlaði að biðja kjérlínguna hans Villa Magg að strípa mig en þau voru að fara í einhverja rómantíska sumarbústaðaferð um helgina... sumarbústaður um hávetur... rómó. Hún strípar mig kannski næst... eða ekki... strípar kannski Villa... held samt ekki... Villi er of mikið rokk :)

Annars er svona lítið af manni að frétta mestmegnis... ég vona að ég sleppi við glóðuraugað um jólin... týpískt. Fór í körfuboltann í dag (ég er farinn að kalla það að rístarta tölvunni, þegar maður leggur sig skotdúr eða gerir eitthvað annað heldur en að læra) og ég fékk haus í andlitið. Algjörlega óviljaverk... að sjálfsögðu... en ég upplifði svona fegurðardrottningar-fílíng í smá stund þegar hnén gáfu sig og tal hljómaði sló mó. Ég settist náttúrulega bara á rassgatið svo að færi nú ekki að detta eins og alvöru prinsessa... (sumir vilja nú meina að þetta hafi verið bara til þess að draga athyglina frá því að ég var ekki að hitta eins og skildi í þriggjastigaskotunum, en látum það liggja á milli hluta). Kinnbeinið á mér, það vinstra (séð frá mér, hægra ef þú horfir framan á mig) hefur einhverja innvortis bólgu sem finnur vonandi ekki ódrepandi þörf til að smæla framan í heiminn um jólin.

En úr hösldeildinni kennir nú ýmissa grasa! Maður leyfir nú nýrómantíkinni að blómstra aðeins áður en Papparazzíarnir fara að smella myndum á forsíðu Séð og heyrt af einum eftirsóttasta piparsveini norðan Suðurheimskautslandsins (þótt víðar væri leitað!) og úngfrúnni góðu... :)

Annars bið ég bara að heilsykkur í bili...