<$BlogRSDUrl$>

fimmtudagur, febrúar 24, 2005

Eh Eh Ehh!!! 

Ég steingleymdi að segja ykkur það... hvort er betra að borga 1000 eða 22000? Þessi spurning vefst kannski ekki fyrir mörgum... og sérstaklega ekki hundaeiganda í Fossvoginum... Þannig er mál með vexti að í gær kostaði ég einhvern hundaeiganda í Fossvoginum 22000 krónur. Sem mér finnst bara fínt. Ég, Hróðmar, Erlingur og Þórarinn vorum í fótbolta þegar boxer-hundur kemur hlaupandi og tekur boltann frá okkur. Hann bara beit í hann og hljóp með hann í burtu. Það var útidagur hjá okkur og c.a. 50-55 krakkar úti, 6-8 ára. Krakkarnir hlaupa náttúrulega á eftir honum og ég ekkert smá smeikur um krakkana. Veit náttúrulega ekkert um uppeldið á þessum hundi, né hvernig hann bregst við því að það séu 50 krakkar öskrandi og hlaupandi á eftir honum. Eftir nokkurn eltingaleik náði Anders (dk. lesis Ane(r)s) hundinum og skellti bandi um ólina á honum. Án þess að hugsa mig tvisvar hringdi ég í lögregluna í Reykjavík og bað þá vinsamlegast um að koma og sækja kvikindið áður en að einhver krakki slasaðist.
Ég byrjaði á því að hringja í 112(1) til að fá samband við hverfislögregluna í Fossvogi. Ég fékk samband við þá(2) og þeir gáfu mér svo samband við fjarskiptastöð(3). Þeir sögðu að þetta væri í höndum hundaeftirlitsins og virtust ekkert vera að kippa sér upp við það að það gengi boxer laus á grunnskólalóð í Reykjavík. Eftir hálftíma reyndi ég sjálfur að hringja í Umhverfissvið(4) hjá Reykjavíkurborg (vegna þess að hundaeftirlitið heyrir undir þá) en ég náði ekki sambandi. Þá reyndi ég að hringja í farsímana hjá þeim en það var slökkt á þeim báðum(5)(6). Þá hringdi ég aftur í 112(7) til þess að fá aftur samband við fjarskiptastöð(8) og þeir sögðu við mig að þeir hefðu sjálfir reynt að hringja í hundaeftirlitið með engum árangri þannig að þeir vonuðust bara til þess að hundaeftirlitsmaðurinn kæmi sem fyrst..! Þegar 50 mínútur voru liðnar frá því að ég hringdi fyrst, hringdi ég aftur í hundaeftirlitið og náði þar sambandi við Umhverfissvið(9) og sagði konunni sem ansaði mér farir mínar ekki sléttar og reyndi að vera ekki reiður við þessa konu vegna þess að hún átti það ekki skilið. Hún skildi mig fullkomlega og bauðst til þess að hringja sjálf í lögregluna(10) til þess að reka þá á eftir hundinum vegna þess að það var þegar búið að handsama hann.
Korteri seinna kemur svo meindýraeyðir(11) frá Reykjavíkurborg til þess að sækja hundinn og hann tjáir okkur það að hundurinn fari beint á hundahótelið á Leirum þar sem að eigandinn verði að borga rúmlega 22000 krónur til þess að leysa hundinn út. Ég spurði hvort að hann væri ekki til í að skila því að hann mætti alveg koma við hjá okkur á næstu dögum til þess að bæta okkur fyrir boltann sem skemmdist. Hann ætlaði að gera það.
20 mínútum seinna kom svo maður(12) til að vitja hundsins...... þá var það hundaeftirlitsmaður af Kjalarnesinu. Hann var voðalega hissa á því að hundurinn væri farinn en kannaðist samt alveg við meindýraeyðinn sem sótti hann þannig að hann var sjör á því að Reykjavíkurborg hefði fjarlægt hundinn. Hann sagði okkur líka að lögreglan hefði hringt í hann fyrir 20 mínútum síðan... c.a. klukkutíma eftir að ég talaði fyrst við lögregluna og það meikar alveg sens ef maður spáir í það... 20 mínútur af Kjalarnesinu og niðrí Fossvog... nokkuð auðvelt að sjá það í hendi sér.

En það sem stendur uppúr er að maður þarf greinilega að kunna starfssviðið hjá Reykjavíkurborg áður en maður leitar sér hjálpar í sambandi við eitthvað...
Hundaeigandinn hefur ekki haft samband við okkur til þess að borga boltann...
Krakkarnir voru HUND-svekkt að hafa ekki fengið að sjá lögguna...
og ég er feginn að enginn var bitinn.

Svona er að fara ekki að lögum um hundahald í Reykjavík! Næsta átak hjá mér verður að fá fólk með góðu eða illu til þess að leggja almennilega í stæði!

Eh Eh Ehh...

This page is powered by Blogger. Isn't yours?