Rokkið Lifir!

Hannes Páll... alveg hvað mér finnst þetta vera ömurleg auglýsing. Það ætti að vera 'tæmlimmitt' (time-limit) á sumum sjónvarpsauglýsingum. Ég er núna á því máli að ég sé guðslifandi feginn því að vera hjá OgVoddafokk? í staðinn fyrir Símanum vegna þess að fólk sem er í viðskiptum við Símann er BARA heimskt! Að geta ekki drullast til þess að muna hvað barnabarn sitt á að heita... og í höfuðið á manni sjálfum er bara heimskulegt! Og hvað er málið með að það sé stundum bara betra að senda sms?!? Kallinn hefði örugglega hvort eð er gleymt símanum heima eða ekki kunnað á hann þannig að það hefði nú barasta verið tíkall út í loftið og hún hefði samt þurft að öskra. Lengi lifi OgVoddafokk?

Nýjasta nýtt... Radíó Reykjavík er komið í loftið aftur en vegna þess að þeir voru ekki búnir að gera samning við STEF þá er STEF farið í mál við þá og þeir mega ekki spila tónlist... spurning um að sleppa barnaskapnum og hafa í samningnum (sem er í bígerð) að þeir greiði bara afturvirkt... annað eins þekkist nú þar sem vitleysingar eru ekki á ferð... En mér finnst það samt algjör snilld að í staðinn fyrir að spila mússík eru þeir búnir að vera með uppistand með einhverjum gaur á ensku í allan dag... sem er bara fyndið... það er ágætt hjá þeim... aðeins að dissa STEF...

Karlmenn rokka... eða karlmenn knúsa? Mér finnst hún nú svolítið krúttleg þessi karlremba sem viðgengst á Radíó Reykjavík... þvílíkur töffaraskapur í auglýsingastefunum þeirra og svo eru útvarpsmennirnir svo mjúkir að það er liggur við virðingavert... allaveganna á öldum ljósvakans. Heyrði í einum í gær og hann sagði eitthvað á þessa leið: Já, nú er vinnudagurinn búinn og um að gera að skella sér heim og knúsa konuna og börnin. Og er það er engin kona til staðar... þá er bara um að gera að knúsa bílinn... eða köttinn... hundinn, sjónvarpið eða tölvuna... því allir þurfum við nú knús af og til...
Hehehe... algjör snilld.

Knús! ;)